Paulownias Touro: Substitución de tara e outra pequena plantación de sequoias e paulownia

Finalmente substituiuse esa paulownia que parecía totalmente morta, aínda que ao final parece que non era así. A paulownia substituíse por unha das dúas paulownias que merquei para substituír as taras e que plantara o 28 de maio noutra leira próxima.

A paulownia antes de substituíla (29 de maio). No momento de arrincala viuse que tiña un brote no pé.

Transplantouse o 30 de maio a unha maceta na casa para seguir a súa evolución. Vista do brote no pé (1 de xuño).

Plantando a nova paulownia (30 de maio). O burato anterior ancheouse e afondouse xa que a nova planta ten máis raíz.

A nova paulownia xa plantada (30 de maio). É máis grande e frondosa que as que hai no resto da plantación.

Desde outro ángulo (30 de maio).

Cunha persoa detrás (30 de maio).

Respecto das outras taras parece que xa brotan. Aínda que apareceu outra paulownia que parece que seca pola parte superior, seguramente se lle tocou ao sacharlle arredor, aínda que rebrota polo que non parece que vaia haber máis taras na plantación.

A outra paulownia dubidosa, das tres que había, finalmente botou un brote na base (1 de xuño).

Pero agora hai outra nova dubidosa (1 de xuño). Os brotes superiores secan.

Afortunadamente ten un brote na base (1 de xuño).

A outra paulownia que se mercou para substituír por algunha tara ao final tívose que plantar noutra leira debido a que non parece haber máis taras na plantación. Nesta leira xa tiña plantados en abril dous exemplares de Sequoia Sempervirens.

Vista da paulownia (á esquerda) e das dúas sequoias (entre cada par de paus). As árbores están separadas 4 metros unhas das outras e 2 metros da leira do veciño. A foto sacouse de moi lonxe para poder encadrar as tres árbores (28 de maio).